UWC ISAK Japan прапануе праграму Міжнароднага Бакалаўрыята (IBDP)  як навучальны план (тоесна 10 і 11 класам). Таксама існуе Pre-IB навучальны план (тоесна 10 класу), які дапамагае студэнтам падрыхтавацца да складанасцяў праграмы IBDP, але большасць студэнтаў едуць вучыцца ў UWC ISAK Japan толькі на праграму IBDP. Акрамя стандартных прадметаў, UWC ISAK Japan прапануе японскую мову, кітайскую мову, гісторыю, эканоміку, навукі, фільм і выяўленчае мастацтва.

Студэнты каледжу прымаюць удзел у вялікай колькасці разнастайных пазакласных актыўнасцяў, пачынаючы са спартыўных і моўных секцый і заканчваючы дэбатнымі клубамі і Мадэллю ААН. На дадзены момант існуе больш за 50 розных клубаў і секцый у каледжы, створаных і спланаваных самімі студэнтамі. Таксама існуюць Тыдні праектаў (Project Weeks), дзе студэнты арганізуюць і праводзяць валантэрскія праекты. Падчас навучальнага году UWC ISAK Japan таксама становіцца пляцоўкай для розных варкшопаў, семінараў і лекцый з прадпрымальнікамі, даследчыкамі і інаватарамі.

Студэнты праграмы IBDP самі ствараюць і кіруюць іх Creativity, Activity, Service (CAS) праекты падчас двух гадоў навучання. Сярод мастацкіх праектаў існуюць такія, як клубы танцаў, хор, тэатральны клуб, кінематаграфічны клуб, студэнтцкі часопіс і г.д. У каледжы таксама існуюць розныя спартыўныя секцыі (напрыклад, баскетбол, валейбол, рагбі, бейсбол, футбол, бадмінтон і бег), фізічныя актыўнасці (напрыклад, кэмпінг, хайкінг, сноўбордзінг, плаванне і лыжная секцыя).

Летняя школа UWC ISAK Japan - гэта неверагодная праграма на 2 тыдні для студэнтаў сярэдняй школы (12-14 гадоў) з усяго свету. Персанал высокага класу стымулюе і натхняе ўдзельнікаў праз навучальны план, які ўключае ў сябе глабальныя тэмы, лідарства, практыку разглядання праблем з усіх бакоў, фізічныя актыўнасці і знаёмства з японскай культурай. З 2010 года студэнты з больш чым 80 краін удзельнічалі ў летняй школе.

UWC ISAK Japan створаны з сучасных напоўненых святлом будынкаў, спраецыраваных сусветна вядомымі архітэктарамі з акцэнтам на традыцыйныя прынцыпы японскай архітэктуры. Гармонію на кампусе ствараюць драўляныя будынкі навокал, робячы асяроддзе лепшым для жыцця і навучання. Акадэмічны цэнтр Каміяма, пабудаваны ў 2016 годзе, - гэта мастацкая работа; гэты светлы будынак мае кабінеты для навучання, бібліятэку, тэхналагічны цэнтр, зоны для персанальнага навучання студэнтаў, пакоі для сустрэч студэнтаў, а таксама галоўны офіс каледжа. Будынак Асама мае дадатковыя кабінеты для ўрокаў, лабараторыі, кафетэрыю і вонкавую тэрасу. Інтэрнат - гэта слупкі маленькіх будынкаў, кожны мае свой асобны ўваход. Кожны будынак (дом) дае магчымасць жыць 12-18 студэнтам. У дадатак да 2-4 мясцовых пакояў, дамы маюць кухню з вялікім пакоям, дзе студэнты могуць праводзіць вольны час. Спартыўны комплекс уключае ў сябе баскетбольнае поле, пакрытае натуральнай травой футбольнае поле, і іншыя магчымасці для фізычнага актыўнага адпачынку.

UWC ISAK Japan знаходзіцца ў прэфектуре Нагана, у горадзе Каруізава (насельніцтва 20000 чалавек), каля 70 хвілін ад Токіа на хуткім цягніку. Каруізава з'яўляецца вельмі папулярным напракамкам для турыстаў з рознымі магчымасцямі для актыўнага адпачынку падчас усіх чатырох сезонаў года, у тым ліку і снежных зімаў!

Для праграмы IBDP студэнты падаюцца праз іх нацыянальны UWC камітэт  ці праз UWC Global Selection Programme. Для Pre-IB праграмы (тоесна 10 класу) студэнты могуць падацца напрамую ў UWC ISAK Japan. Каб даведацца больш пра UWC ISAK Japan, наведайце вэб-сайт каледжа.