У UWC Thailand вялікі націск ставіцца на псіхічны і эмацыйны баланс студэнтаў разам з акадэмічнымі поспехамі. Студэнты вучацца вучыцца, аналізаваць, мысліць крэатыўна і дасягаць паўнавартасных вынікаў, што дапамагае ім дасягаць акадэмічных вяршыняў.

Дзіцячы садок - гэта праграма для дзетак ад 18 месяцаў да 3 год. Пачатковая школа працуе для дзяцей ад 3 да 12 год, а сярэдняя школа - для падлеткаў 11-16 год.

Падлеткі, якія маюць 16-19 год, навучаюцца ў UWC Thailand па сістэме Міжнароднага бакалаўрыята (IBDP). Разам са стандартнымі прадметамі каледж прапануе тайскую, рускую, кітайскую, карэйскую і дацкую мовы, бізнэс мэнеджмент, псіхалогію, дызайн, глабальную палітыку і мастацтва.

У каледжы ёсць абавязковыя пазакласныя заняткі для студэнтаў усіх узростаў. Заняткі дазваляюць студэнтам ствараць праекты і шукаць новыя захапленні ў галінах валантэрства, спорту, крэатыўнасці і культуры. Заняткі праводзяцца падчас перапыну на абед, пасля ўрокаў і на выходных. Дадаткова студэнты са сваімі аднакласнікамі ладзяць экспедыцыі, якія скіраваныя на пашырэнне свядомасці і фізічнае сілы студэнтаў. Экспедыцыі могуць уключаць у сябе ноч у бібліятэцы для першакласнікаў, што для некаторых з іх з’яўляецца першай ноччу не ў хаце, паход і каякінг каля берагоў Пхукета на працягу 5 дзён для студэнтаў пятага класа. Некаторыя студэнты займаюцца парусным спортам, некаторыя ратуюць чарапах і іншыя біялагічныя віды, якія знаходзяцца ў небяспецы. Кожны год класы факусуюцца на новых экспедыцыях, кожная экспедыцыя адпавядае ўзросту ўдзельнікаў. Студэнты старэйшых класаў, якія займаюцца па праграме IB, ствараюць свае праекты, якія ўключаюць элементы валантэрства, спорту ці крэатыўнасці.

Кампус каледжа вялікі і раскошны, дзе кожная секцыя падзяляецца на поды (pods): дзіцячы садок, малодшая група пачатковае школы, старэйшая група пачатковае школы і старэйшая школа. Інтэрнат - дом для 60 студэнтаў з 7 па 12 клас, а яшчэ адзін новы будынак знаходзіцца ў працэсе будоўлі і адчыніць свае дзверы ў студзені 2018 г. Каледж знаходзіца паблізе ад спартыўнага цэнтра, і ўсе студэнты могуць займацца рознымі відамі спорту. Спартыўны цэнтр мае басэйн, поле для рэгбі, бегавую дарожку, тэнісны корт, валейбольны корт і кардыя-цэнтр.

UWC Thailand знаходзіцца на паўночнай частцы выспы Пхукет, за 20 хвілін ад Sarasin Bridge, які яднае Пхукет з матэрыковай часткай Тайланда. Краявід паўночнага Пхукета - гэта камбінацыя нацыянальнага парку, пляжаў і ўзбярэжных зонаў, гумовых плантацый і мясцовых супольнасцяў.

Заяўкі ў дзіцячы садок, малодшую і сярэднюю школу трэба падаваць напрамкі ў школу. Працэс прыёму заявак пабудаваны на каштоўнасцях і місіі UWC. Студэнты, якія жадаюць навучацца ў UWC Thailand з 11 па 12 клас могуць падаваць заяўкі праз свой нацыянальны UWC камітэт альбо праз UWC Global Selection Programme. Палітыка UWC Thailand не дазваляе, каб больш за 20% студэнтаў з’яўляліся прадстаўнікамі адной нацыянальнасці. Каб даведацца больш пра UWC Thailand, наведайце вэб-сайт каледжа.